Dinyanyikan oleh Sindy Purbawati
Tumetes eluh ning pipi
Nandang brono pering ing ati
Ditinggal garwo tilar dunyo
Abot rasaning nolo
Nadyan ayu sinawang netro
Dewi Lanjar outri kang setyo
tuhu... Mring janji tulus dungo
Ngantos pejahing nyowo
Segoro Lor kang nyesekni
Asmoro tumekaning pati
Kuwoso kang Moho Suci
Kukuh ati teguhing janji
Segoro Lor tanah Jawi
Dewi Lanjar peparing bukti
Tresno niku tondo ati
Sigar nyowo tekaning pati
Karya : Adif Marhaendra
Sinten sinambhat ing wewangi iki amung siro yekti
Eseme kang manis madu duh wong ayu
Tresno lir tirto gumanti dahono awit siro marang roso
Endah rumembyak rekmamu dadyo angenku saben dalu
..... 2x
Wengi kadyo setro kegowo lungane baskoro
Peteng tanpo condro tanpo kartiko
Lumayu ing awang-awang anggayuh lintang
Nyanding kekaronsih mung dadi lelamunan
Lewat kidung iki mugo biso ngerteni
Sak jroning ati iki yayi ngugemi janji
.....
Nadyan datan andarbeni bakal tak ruki suci sejati
Duh maruto kandakno saktemene aku isih tresno
Lumayu ing awang-awang anggayuh lintang
Nyanding kekaronsih mung dadi lelamunan
Lewat kidung iki mugo biso ngerteni
Enget jalaran neng sih yayi tumeking pati
Karya : Sri Narendra Kalaseba
Rumekso ingsun laku nisto ngoyo woro
Kelawan mekak howo, howo kang dur angkoro
Senadyan setan gentayangan, tansah gawe rubeda
Hinggo pupusing jaman
Hameteg ingsun nyirep geni wiso murko
Maper hardening ponco, saben ulesing netro
Linambaran sih kawelasan, ingkang paring kamulyan
Sang Hyang Jati Pengeran
Jiwanggo kalbu, samudro pepuntoning laku
Tumuju dateng Gusti, Dzat Kang Amurbo Dumadi
Manunggaling kawulo Gusti, krenteg ati bakal dumadi
Mukti ingsun tanpo piranti
Sumebyar ing sukmo madu sarining perwito
Maneko warno prodo, mbangun projo sampurno
Sengkolo tido mukso, kolobendu nyoto sirno
Tyasing roso mardiko
Mugiyo den sedyo pusoko Kalimosodo
Yekti dadi mustiko, sa'jeroning jiwo rogo
Bejo mulyo waskito, digdoyo bowo leksono
Byar manjing sigro-sigro
Ampuh sepuh wutuh, tan keno iso paneluh
Gagah bungah sumringah, ndadar ing wayah-wayah
Satriyo toto sembodo, Wirotomo katon sewu kartiko
Kataman wahyu Kolosebo
Memuji ingsun kanthi suwito linuhung
Segoro gondo arum, suh rep dupo kumelun
Tinulah niat ingsun, hangidung sabdo kang luhur
Titahing Sang Hyang Agung
Rembesing tresno, tondo luhing netro roso
Roso rasaning ati, kadyo tirto kang suci
Kawistoro jopo montro, kondang dadi pepadang
Palilahing Sang Hyang Wenang
Nowo dewo jawoto, tali santiko bawono
Prasido sidhikoro, ing sasono asmoroloyo
Sri Narendro Kolosebo, winisudo ing gegono
Datan gingsir sewu warso
Lirik Kidung Wahyu Kolosebo
